تجربة طالب في اختصاص Werkzeugmechaniker
تصنيع القوالب
Werkzeugmechaniker
هذا المجال بالعربي اسمه تصنيع قوالب الصب ،هذا المجال هو حرفي بحت يعني بالمجال نستعمل المخرطة المفرزة ماكينات ال cnc . حتى يجوز يكون في أشغال يدوية مثل المنشار المبرد لحام وهل القصص .
يكون أعلى مجال يدوي من حيث الراتب ومن حيث الخبرة. الذي يدرس بهذا المجال يستطيع العمل كـ Industriemechaniker ويستطيع العمل كـ zerspanungsmechaniker
مدة الاوسبيلدونغ ثلاث سنوات ونصف تتعلم هنا شرح مفصل عن أدوات العمل بما في ذلك شرح مفصل عن الماكينات وكيفية استعمالها.
بالتالي يوجد ايضاً مونتاج كتابة برامج CNC تتعلم فيه قليل عن الدارات الإلكترونية. وكيفية عملها ايضاً فيه رياضيات وفيزياء وفيه مواد ثانية متل الألماني والسياسة و الديانة طبعا بعد الاوسبيلدونغ وحسب الشركة انت بتختار يا اما ان تعمل بالقسم اليدوي يا اما تعمل عالماكينات ال CNC او اذا كان استطاع الشخص اثبات نفسه يعمل بالمكتب كتابة برامج ومونتاج.
بالنسبة للغة لا استطيع ان اقول سهل ولا استطيع القول صعب حفاظا على المعنويات لكن فيه كتير مصطلحات اختصاصية وتقنية وانا برأيي بحتاج اقل شي b2 وكتير دراسة لغة بالبيت فعليا يلي يريد ان يدرس هل المجال سوف يدرس لغة اكتر من المواد اول فترة.
سلبيات المهنة
المهنة فيها كتير رياضيات مثلثات وزوايا وفيثاغورس ويلي مابيعرف هذه القصص سوف يجد صعوبة .
والعمل رح يكون بمعامل يعني غبرة وروايح لذلك يلي معو حساسية مارح تناسبو بس هاد الشيء تراه بكثير مهن غيرها مو هل المشكلة الكبيرة.
وانا برأيي المهنة مابتناسب البنات كتير وحتى قليل لتلاقي بنت تعمل لأنه تحتاج لطاقة كبيرة اذا كان الواحد بشتغل بالقسم اليدوي وبالنسبة للناس يلي بحبو النقاشات والعمل كمجموعات فهل المهنة مابتتناسب معهن لأنو رح تكون علاقتك بشكل كبير مع الماكينة حتى من الممكن تقعد 8 ساعات بدون ماتحاكي كلمة.
إيجابيات المهنة
من الإيجابيات ايضاً راتب المهنة جيد وللاشخاص الذين يحبون الماكينات. العمل اليدوي فيه ممتاز لهم ،بالنسبة لي رأيتها بتفيد بالحياة العملية من حيث الخبرة. كل شيء بتحفز عالتفكير المنطقي فيها تطور
بالتالي لا تقف المهنة عند حد معين مثل ماقلت المرء يستطيع ان يعمل بأكثر من موضوع. عن طريق هذه المهنة وداخلة بكل المجالات الصناعية مثلا معامل الشوكولا معامل تصنيع السيارات بكل شيء صناعي .
هذا كان تلخيص خبرتي العملية بإختصاص Werkzeugmechaniker
